Haters

LETRA

Haters

RETROUSO:
Coa idade cada vez máis hater,
non aturas o buenismo da xente,
coa idade cada vez máis odiador,
xa non vos soporto e ódiovos con rigor.

Coa idade cada vez máis hater,
non aturas o buenismo da xente,
coa idade cada vez máis odiador,
xa non vos soporto e ódiovos con rigor.

SOKRAM:
Odio, teño o monopolio do odio,
non xogues comigo porque estou no podio do hate,
o teu ao lado do meu é como un template,
asi que coidado co Rei do:

Zasca!, zasca!, arcada, arcada,
cada vez que vos vexo falando de nada,
rifando por todo, dando p*** pena
e sen ter p*** idea do tema, pero…

Dándovolas de eminencia,
ilustres, mestres, en ignorancia,
Paulo-Coelhistas esvaran na pista
sen paracaídas para a hostia que era máis que vista…

Insista vostede, con toda esa plebe
que se cree moi lista pero nunca le,
que vota ao fascista que mirou na tele,
branqueado polo xornalista que é un pelele.

RETROUSO:
Coa idade cada vez máis hater...

MOU:
Cada cada vez cada vez máis hater,
puro puro odio coma Darth Vader,
son do lado escuro non podes determe,
cabo a túa tumba coma o Undertaker.

Terra por enriba para o teu mindfullnes,
non te equivoques, ti non inflúes,
só infundes a tolemia que ti sofres,
Mr. Wonderfull, mellor que te retires.

Marcas tendencia, ti vas de cool,
como Gatocán co coco no cú,
co careto de nhú, rézolle a Manitú
para que che pechen a canle de YouTube.

Ferve, ferve o sangue ao verte,
como cando leo un chío de Reverte,
escribindo frases que cheiran a peste,
pídolle á RAE que che poña en ERTE.

RETROUSO:
Coa idade cada vez máis hater...

JAMAS:
Son a maldade mesma con pernas,
un prenda de medo,
róubolle os carros da compra ás vellas,
límpolle a esmola aos cegos.

Va-va vacilo tatexos,
ós xordos sopro segredos,
enredo aos pitoños,
achégome e dígolles: “Chosco, segue o meu dedo”.

Teño un emporio de repertorio
vexatorio descomunal,
plusmarquista en rebentar autoestimas
profesional. Máis...

Cambia de beira de aceira á carreira
se Don Negueruela quere pasar,
mételle o turbo á cadeira de rodas
porque se non voas, vouchas pinchar.

RETROUSO:
Coa idade cada vez máis hater...