Aparta Loureiro Verde

LETRA

Aparta Loureiro Verde

Aparta loureiro verde
deixa clarea-la lúa
que estou no medio do mare
non vexo cousa ningunha.

Vivir na Coruña que bonito é,
andar de varanda e durmir de pé;
e durmir de pé e durmir de pé;
vivir na Coruña que bonito é!

Arrimeime a ti loureiro,
pensando que eras calado,
loureiro larapeteiro,
todo o tés larapetado.

Vivir na Coruña que bonito é,
andar de varanda e durmir de pé;
e durmir de pé e durmir de pé;
vivir na Coruña que bonito é!

Heime de casar cun vello,
heime de fartar de rir;
heille de poñe-la cama
onde non poida subir.

Na ría de Vigo
non se pode entrar
con tantas peixeiras
que van cara ó mar;
que van cara ó mar,
que van cara ó mar,
á ría de Vigo,
non se pode entrar!

Miña lancha mariñeira
que ben capea-lo vento;
así fai a boa moza
cando quere dous a un tempo.

Na ría de Vigo
non se pode entrar
con tantas peixeiras
que van cara ó mar;
que van cara ó mar,
que van cara ó mar,
á ría de Vigo,
non se pode entrar!